و بعدين يا بلد
----------------------------
و بعديـن فيكى يـا بلـد
الفـســاد دَيْمـا بيتْـوَلَـد
و الظلم ليه ألف سـَنَد
عايش فيكى زى الأسد
و الحـق فيـكـى بينْجَلَـد
عـايـش فيـكى ف كَبَـد
الفـسـاد فيـكـى بيتْعَـبَـد
جـدوره مـاسكـه زى الوَتَـد
اللى يقــرب منـه يتْـرّصــَد
تتفتح عليه أبواب من مَسَـد
الرقـص فيكى سـنَّـة للأَبَـد
علـى أى مزيـكا بـيـنْـعَـقَـد
عـلاقـة فـانيـة زى الجسـد
عايزعيشتك ما تبقاش نكد
ارقـص علـى موجـة الفسـاد
هتبقى أسعـد واحـد م العبـاد
و ألغى ضميرك و الاجتهاد
و اسمـع دايمـا كلام الأسـيـاد
تاخد فتافيت من تورتة البلاد
و بعديـن فيكى يـا بلـد
امتـه الفـسـاد هيتْخَمَـد
تجيله شوطه و ينْطَرَد
--------------------------------
بقلمى // مهندس _ محمد امام
ليست هناك تعليقات:
إرسال تعليق