مبروك البنا *** ذوق ورقه

مبروك البنا

*** ذوق ورقه
--------------
*يا اللي ساكن في قلبي جوه نبضي ووريدي
نار غرامي واشتياقي وحبك انت مش بأيـدي
قلبي حبك وانتِ رؤياكي بعيني يعني عيـدي
انت نهر الشوق بقلبي وانت زادي والحنيـن
*يا جماله ودلالـه قـوام حبيبـي أصلُـه رقـه
لما اشوفه في خيـالي نبض قلبي يدق دقه
يا حيـاة قلبي تزيدي البُعـد ليه والبعـد فُـرقه
قُـربك انتي لقلبي فرحه والبُعد قهـر وأنيـن
*لسه فاكر كل لمحه وكل نظره من عنيكي
هيمان في حبـك ولا هنسي ايام رضـاكي
ولا بسمه ولا لمسة حب حلـوه من أديكي
طمني قلبي ونار الشوق وقولي انت فيـن
*لسه حبك جوه قلبي لسه روحي بتناجيك
لما تبعد لحظه عني ألقي روحي بتناديك
حتي أحلامي وخيالي كلها بتخدني ليـك
كلها توصف جمالك ومن حنانك محرومين
* مستحيل انسي غرامك انت قدري والنصيب
انت كل حاجه حلـوه انت روحـي والحبيب
مستحيل تغيب عليه مستحيل شمسي تغيـب
هفضل استناكي عمري لو تغيب عني سنين
*ياملاك روحي وقلبي علي طـول الزمـان
انت بستان عمري ووردي وعبير الريحان
انت نعمه تشفيني وتحيني وتعطيتي الأمان
نظره منك تحيي آمالي تنعش القلب الحزين
*يا اللي ساكن قلبي ومحيـره في كل دقـه
قولي ليه نضيع عمرنا في خصام وفُـرقه
ليه تخلي نهاري ليلي ليه تبكيني بحُـرقه
وانت طبعك ذوق ورقه وزايد جمالك حبتين
--------------[ مبروك البنا ]--------------

أعجبني

تعليق