( خـــلووه يرحمني )
وبعدين فيك ياقلبي انت وعيني هتودوني لفين
ومين فيكم ياقلبي هيختار الحب ويريح بالي إنت ولاَّ العين
وليه سايبني عايش في نار محتار بين الشوق والأنين
قاتلني الحب والغرام وقلبي تعبان من كُتر الحنين
عايش معاكم علي طول متعذب أحب مين ولاَّ مين
لو يوم ياقلبي حسيت ودقيت الآقي عيني تغيير وتخالفك
ولو يوم شافت عيني بدر جميل أحس ياقلبي بمخاوفك
وإحتار حالي بينكم ..انت ياقلبي تعاند وعيني بترفض معارفك
ولإمته هفضل عايش محتار ياقلبي والحب عذابه ماراحم حالي ولا حالك
ليبه ياقلبي رافض أمر عيني. وعيني حسداك علي رقة حبايبك
آاه منك ياحب لييه محير قلبي وعيني وكاويني بنارك
طب اعمل إيه ياحب لوعيني شافت حبيبي وقلبي خاف من جماله
واعمل ايه لو قلبي انشغل بحبيبي وعيني خافت من دقاته
بقالي يومين محتار بين قلبي المنهار وعيني اللي ماشايفه غير حبيبي وخياله
وحالي صبح حال سهران افكر لانوم ولا راحة بال
ياحبيبي اعمل ايه معاك مسهر عيني
ومعذب قلبي وتاعبني
هدي شويه جمالك ودلالك وخبي عنيك ماتلوعني
وبلاش تخلي الفِتّْنَه تحرق قلبي وتسهر عيني ليالي
هواك وغرامك ملكوا كياني ومش قادر اسيطر علي احوالي
وحبك عذبني وماشكيت من ناره لكن احتارت حروفي وغارت مني المعاني
كل الحروف والمعاني مش قادره توصف جمالك ياحبيبي ولا قادره تبوح بحبي وغرامي
مكتوب عليا افضل عايش محتار سهران كل ليالي ايامي
قولولي ياعاشقين تعملوا ايه لو كنتوا مكاني
جوايه احاسيس وحب كتير لاقادر علي الكتمان ولا قادر أوصفه و ابوح بيه
ارحميني ياليالي وهاتي حبيبي بقالي سنين بنادي عليه
وامانه عليكي ياليالي اوصفي وقولي عن احوالي وحالي لييه
من يوم ماعرفت طريقه وسحراني عنيه وحبه ملك كياني وروحي فيه
ولو خيروني بينه وبين كل البشر اختاره واصبر عليه وبعمري كله افديه
غيابه عني جنني وعذب قلبي وحياتي وطير النوم من عنيآ
ولو نامت عنيآ تشوفه هي وقلبي وعقلي ويحلموا بيه ويصحوا نار الوجد فيآ
يا ليالي احكيله عن ناري ونار اشواقي وسهري الليالي وهو مش حاسس بيآ
وقوليله حبه مدوخني ومحيرني ووحشاني عنيه وخلــووه يرحمني
مشتاق كتير لييه ولعنيه الحلوين وهاصبر عليه واستناه ييجي ويفرحني
(خواطر...( أشـــرف الدغــيدي
حقــوق الملكـية محفــوظــه
ليست هناك تعليقات:
إرسال تعليق