{ قصيدة { الله يعوض }
للشاعر عاطف عمر
لما انت ناوى
تحب تانى
تشغلنى ليه
وتحب غيرى
ولا انت غاوى
تقل مني .
سمعت لكلام الاغانى
وهان عليك تبيع غرامي
الحب عندك زى الحكاوى
راح فين غرامك يا ابو قلب خالي
ضحيت معاك.....بكل غالي
خدت الكتير من حر مالي
اخدت منى أحلى الليالي
دالواقتى تهرب من سؤالي
بديت معاك من صغر سني
أسيت معاك كتير يا حبي
ع الحلوه افرح ع المره أبكى
طعم الحلا اتغير بحلقي
مين كان معايا....وقف بضدى
حتى الظروف مبقتش جانبي
وسهرت ابكي على وسادتى
بعت الغرام.....معدش بدى
الله يعوض عليك يا قلبي .
بقلم الشاعر عاطف عمر
ليست هناك تعليقات:
إرسال تعليق