" كأس الغدر " كلمات أ \\ المهدي العمري

يا كأس الغدر

يا ما شْربْت مْنّْكْ يا كاس الغدر

حتى تْمزّْق قلبي و تحرق الصدر

كان القمر يفرح فسماه و صار بدر

و البدر رثى لحالي و بكى من قهر

تْبكِّي الكون يا ناس دموع البدر

يا كاس الغدر راك عمرتي

صرتي لآخرك و ليَّ دمرتي

صرتي فأعماقي بحور

غرقتي إحساس و شعور

طفِّيتي فْراح و نور

وحدي عليَّ سعرتي

الغدر جحيم مسعور

لِّي غْدر يعود ناسي غدرو

مبسم فوجهي يبان مسرور

غدرو كان طلة تمر فعمرو

و قلبي لي مات من قهرو

كان علِيَّ نفرّْق بين الكيسان

كاسك يا حب و يا حنان

كان قدامي و ما رشفت مْنُّو

من كاس الغدر يا ناس رشفت

بخداع رماني فظلام الأوهام

يا كاس الغدر صافي الخداع بان

قلبي يضم عقلي و يشوفوا مزيان

واخا تلمع كثْر من شمس و نجوم

واخا بك يْحِيط ذهب و مرجان

ولّْفت حزاني و ما تهمّْني هموم

صار قلبي يْفرّْق بين الكيسان

يا كاس الغدر تدفّْق و غرّْق الكون

ما عاد قلبي مخدوع منك مفزوع

سدّْ عليك بهْمَّة و قوة كل البيبان

يا كاس الغدر غِير عُود مكسور

قلبي و عقلي غْيّْروا العنوان.

..................................
من توقيع/المهدي العمري