حلم عمري ،،،،للشاعر الرائع مبروك البنا

*** حلـم عمــــري
------------------
*ليـه تخـاصم واللا تبعــد عني قلبــك
مهما تبعــد مش هيمكـن أنـسي حبــك
لو أعيــش أو أمــوت بـرضه بقــربك
قلبي ســابني مـش معــايه جـوه قلبــك
*ليــه بـتــأسي ليــــه تلـوعني ببعــدك
لو هـتبعـــــد مش هعيش الدنيا بعــدك
قلبي كُــله أمل وعـايش مستني وعدك
لسه بيسـامح في حقــه ويـروي وردك
*جينــاك بنتمني نعيـش العشق نتهني
لا لحـننا غني ولا عشنــاه في أحلامنا
ونستني ونستنـي ومُـر الصبـر مـوالنا
لا شـوقنا سكت عنا ولا الهـوي زارنا
*سهد ونار ليالينا ،آلام وجروح أيامنا
نهر دموع في عنينا وماشفناش قدامنا
كرهنا يوم ما حبينا وطـاوعنا أحلامنا
وصاله يارب يشفينا يزيح الوجـع عنا
* بــلاش تـــداري يــا جنتي ونـــاري
جمال خـدودك هوايا وعيونك مزاري
حروف اسمك ورسمـك لحـن أوتاري
ومهما تــداري عـيـونك قبلتي وداري
*نظـــرة عنيـــك هيــه كــل أمـــانينـا
جفون عنيــك مرسانا ونظـرها ساقينا
ولمــا تعــاند وتغمـض عنيـك بتشقينـا
ليلنـا يطول ونـــــار الشــوق تنـــادينا
*نـبـض قـلبي نبـض قلبـك نــده عليـه
ليــه يا عمـري مش شـايفني ليـــه ليه
عمـري عــدي وقلبي خـــايف عـليــه
فـات وعــدي مخــدش وادي ليه ليـــه
*حلـم عمــــري جـوه قـلبي حنيــــــن
قـلبي وهــــوايا في عنيـه مســاجيـــن
لحظـة غيــــابه تعــدي عليـه سنيــــن
ليــه ليـــه احنـا ف هــواك مســـاكين
-----------[مبروك البنا]-----------