بقلم منهل حسن / ..ثورة السردين.....((محكي))

منهل حسن

.....ثورة السردين.....((محكي))
رعد الغيمة معنى الآخ
سياط البرق بتكويا
إذ ماتبكي الفراخ
القرقة بتنسى طّعميا
حتى يتغير المناخ
الأرض العطشى نسقيا
حلا نزيل هالأوساخ
بمية نار نمحيا
لكن شو نفع الصراخ
ياضيعانك سوريا
............
كلو بيقول بدنا نعيش
وما بيفكر ببكره
جنب الحيط بيمشي كديش
بيطلب من ربو الستره
عمرو ماينبت حشيش
عندو مليانة السفرة
لبينام ع مخدة ريش
شو بتعنيلو سورية
شو بتعنيلو القضيه
..
ولك يا ضيعانك سوريا
.........
المعو قرش بيسوى قرش؟!
وع المخرز ما فيا العين
ياويلك يا سمك القرش
من ثورة جوع السردين
مارح نبقى متل الطرش
ناطر بالعيد السكين
نحنا العيد و نحنا العرش
نحنا الحق و نحنا الدين
المحروقة
المحروقة رح ترجع حرش
شهدا بدما بترويا
ااالله ينصر سورية
رب السما حاميا
.......................
#بقلم منهل حسن