لقاء مع اولاد الصف وحنين للمدرسه
==================
زغيره كثير كثير
كلمة مشتاقين
ازغر من النهده
على شفاف الزمان
والشوق فينا جبال عليانين
يرجع زمان ال كان
وعالمدرسه نرجع عاهك الصف
انْزل انْطلع هالكتب عالرف
نحمل الشنطه عالكتف
والفرح زواده
بفضل المعلم نعترف ونعود بشهاده
مزينه بختم المدير
نْبشر اهالينا بحصدة ايادينا
ولما الفرصه اتْمْ والجرس صوتو يعم
نرجع سوا وانعاود الكره
وسنين تمرق تسرق من ايامنا
تا هيك صرنا كبار
وعم نشتهي حتى بعز احلامنا
تا نلتقي شي نهار
واليوم شايف حلمنا تْحقق
والحب فينا خمر واتعتق
يالله ارفعوا كاسو شوبعد انتوا ناطرين
زغيره كثير كثير كلمة مشتاقين
---------------------------------
بقلمي راضي مشيلح
ليست هناك تعليقات:
إرسال تعليق